Hesus: Tinuod…dili usa ka handuman o relikyas,

Nahitabo…dili storya nga ginama, Pangulo…dili tawo-tawo o pahoy

Ang Iyang Inbitasyon

Pangandam sa imong Kaugalingon, Pangasaw’onon!

Ang inbitasyon sa Ginoo sa tibuok kalibutan mao ang pakigpuyo diha sa Amahan, Anak ug sa Espirito Santo—nga mamahimong kaslunonon nga nangandam sa pagbalik sa iyang matahum nga minyuonon nga si Hesus [Juan 13-15, Epeso 2-5, Pinadayag 19:7]. Kung imong hunahunaon ug ehulagway ang nahasulat sa Bibliya kung unsa ang kinabuhi, ug para asa kini uban ni Kristo sa kinatumuyan gayud. Unsa man kini? Usa kini ka pagpangulitawo—ug panihapun sa kasal! Ang Diyos nagaawhag kanato, nag-ingon, “Ako adunay arang nga pagsalig sa akong Kaugalingon. Kun ikaw ania Kanako ug mahisayran kung kinsa gayud Ako, imong mahibaloan nga wala Ako’y kaparihas o dili Ko nimo maikompara sa mga nangulitawo kanimo. Walay lain sa Tibuok Uniberso nga makadani sa imong kasing-kasing sama Kanako—kay gibuhat Ko man ikaw alang Kanako. Ubang butang midisturbo lamang kanimo, apan kung hatagan mo lang ug oras ug panahon nga makig-uban sa Akong kiliran, Makita nimo kung unsay tuyo sa kinabuhi. Ug dayon kita magpakasal!

“Busa, pag-andam sa imong kaugalingon, Kaslunon.”

Sukad sa sinugdanan sa panahon, kini nga inbitasyon nagdala ug mga tawo nga nangita Kaniya. Mao usab kini ang Iyang inbitasyon kanato. Ug mao kining buot nga hinungdan sa tanan. Dili ni usa ka butang nga doktrina kundili usa kini ka pag agni ug pag agda sa atong kinasuluran. Ug sa kahiladman sa atong kaugalingon nagaingon ngadto Kaniya, “Dili ako mabuhi kun wala Siya o kun unsa man gani ang matahom ug importante Kaniya! Dili ko gustong mabuhi nga wala kanang mga butanga. Dili mahitabo sa akong mga pangandoy nga magkinabuhi gawas sa Iyang kabubut-on o sa Iyang katuyuan sa akong kinabuhi. Gusto kong musunod sa Kordero sa Dios basin asa Siya paingon. Kun unsa man gani ang gusto Niyang mahitabo alang kanako, mahitabo gayud kini. Siya ang Pan nga may Kinabuhi, nga diin ang akong kahimsog ug katagbawan makaplagan. Siya ang hulagway sa usa ka lider nga mugiya ug pagkamaayo ug kapasayloan ug pagkalooy nga dili pwiding mabuhi nga wala kining mga butanga—kana basig kanus-a dili ko gustong mabuhi nga wala! Gusto ko Siyang Makita nga makusganon. Gusto ko Siyang Makita nga estrikto. Gusto ko Siyang Makita nga buutan. Gusto ko Siyang Makita nga mahigugmaon ug maloloy-on. Gusto ko Siyang Makita nga maalamon nga labaw pa sa tanang pulong. UG GUSTO KONG MAKAUBAN SIYA! Gusto kong makadungog sa kada pulong nga Iyang isulti. Dili ko gusto nga maulahi man lang ug maski dyutay’ng distansya Kaniya sa nahibilin nakong kinabuhi. Dili mahimong mahitabo nga talikdan ko Siya tungod lang sa akong kaugalingong pagka-garboso o pagkagahi’g ulo o hinanakit sa akong mga pagbati. Dili pwidi nga ako Siyang talikdan. Ang tentasyon sa paghimo doul ra, apan ang kapildihan hilabihang dakoa.

Si Hesus ania niining tanang klase sa kinaiyahan. Siya kaarangan mubuhat maski pa usa ka libo nga pamaagi ug maalamon labaw pa sa maligdong nga mga pulong. Mao kini ang atong Agalon. Siya si Hesus. Dili siya storya lang nga dili tinuod. Dili rani siya storya lang maski asa nga usa ka ginoo nga nagbuhat sa kalibutan ug nagalingkod sa dako nga puti nga trono. Kundili mahitungod kini sa pagkatawo ni Hesus ug sa Iyang amahan nga maoy nagdumala kanato. Kun ato lamang mahisayran, kun ato lamang Siyang masinatian, wala na gayoy igong pagpugong pa Kaniya. Ang dugay nang problema mao ang kulang sa kinasing-kasing nga pagbiya sa atong kaugalingon ug paingon didto sa maarangan ug mahigugmaong mga kamot. Ang Iyang pagkamasaligon sobra pa sa usa ka pagtoo. Apan dili nato pirming mahisayran tungod gihimo natong sobrang gibisihan ang atong kaugalingon, sobrang paghunahuna sa atong kaugalingon, sobrang wa’y pagtagad—ug dili lang gayud muhatag ug panahon nga masulawan ug mahingangha Kaniya.

Ang atong Amahan nahibalo nga kung tagaan lang nato Siya’g panahon mag-uban Kaniya diha sa Iyang Anak, ug Iya gayong ipasundayag ang Iyang Kinaiyahan sa atoa nga dili nato maarangang mapugngan. Ang matang klase sa Iyang kinaiyahan makapakurat o makapahingangha. Adunay mga mahitabo sa atong pagpakiglambigit Kaniya nga makapausbong daw rakit gikan sa mga butang nga nagbira kanimo paubos. Ug diha diha ikaw kalit matingala nalang sa mga panghitabo nga dili masabtan sa imong natoral nga kasinatian. Mao kana si HESUS! Ug, Siya nangimbitar kanato nga makig-uban Kaniya. Pahinganghaon gayud ikaw Niya sa tanan Niyang klase nga pagkabuutan, pagkamaloloy-on, ug walay katapusang kapasayloan.

Makita nimo ang pahiyom sa Iyang mga mata. Makita nimo mga hangin mutayhop sa Iyang mga buhok. Makita ug madungog mo ug masinatian ang mga butang nga magdala kanimo sa laing gingharian, ug wala nay orasan didto [Pinadayag 1:12-18]. Makita nimo ang Iyang paggiya ug kusog. Makita nimo kung giunsa Niya pagresolba ang sala. Makita nimo nga aduna Siya’y pokos ug klaro nga panan-awon kung unsa gayud ang katuyuan sa kinabuhi. Ug madungog mo ang gelawmon sa Iyang katawa ug mabati mo ang kainiton sa Iyang paggakos nga may dalang pagdasig.

Duol ug sunod Kaniya. Ug Siya mugiya kanimo. Muhatag kanimo ug kusog. Tagaan ka Niya ug lig-ong kinaiya ug kualidad sa kinabuhi nga makapatingala kanimo, nga maoy magahatag kanimo’g kadasig nga muduol Kaniya tungod kay wala’y mahitabu nga dautan ug walay kabalaka kun asa Siya. Ipakita Niya kanimo ang kabuutan ug ang pagka-sensitibo nga mususi sa imong kasing-kasing ug kinabuhi. Kun muduol lamang ikaw Kaniya ug ipaubos nimo ang imong misirably nga kinabuhi nga puno sa imong kaugalingon, ug iya Ikaw’ng hugasan ug limpyuhan, ug ibutang Niya ang Iyang Espiritu diha sulod kanimo. Ug unya, Iyang ipagawas ang mga diamante ug ang rubies ug ang bulawan nga anaa diha. Iya kanang ipagawas. Iya ikaw’ng himoon ingon nga rayna; himoon ka Niyang hari.

Gusto Niyang magtukod ug mga sumusunod nga sundalo, pero dili nang sa teyorya lang, o pagstudyo, o sa doktrina lang—“Sunod Kanako, kay kun dili itambog ka sa impyerno.” Tinuod man gani kana apan, wala kanay labot sa katuyuan ni Hesus nga Iyang gipaabot sa dose ka disipolo. Naghuna huna ka ba nga nisunod sila ni Hesus maski asa tungod kay giingnan sila Niya nga kun dili maimpyerno kamo? Kahinumdom kaba’g bersikulo ana? Mao ba kana Iyang gihimo samtang nag ampo Siya sa Iyang Amahan tibuok gabie? Niingon ba Siya, “Amahan, tudloe ko unsay isulti,” ug unya nibarog Siya ug miingon, “Kamong dose, musunod mo Kanako o itambog mo sa impyerno”? Dili. Gusto nilang musunod Kaniya tungod kay aduna sila’y nakita Kaniya nga katingalahang panghitabo. Nakita nila ang kaalam, pagkabuutan ug pasensya.

Nakita nila ang lig-ong nga pagkalider ug ang walay paglubad nga kinaiya. Nakakita sila’g usa ka tawo nga arang maka-kontrolar sa mga atake sa kinabuhi ug mubarog sa daplin ug kataw-an lamang niya kini, nga may kaisog sa Iyang mga mata. Ug gusto nilang mahisama Kaniya—gusto nilang makuban Siya! Wala sila’y kapadulngan tungod kay wala sila’y laing kapasingadtuan gawas lamang sa Iyang kiliran. [Mateo 4:19-22, Juan 6:68, Buhat 5:20, Buhat 3:19-20].

Dili kinahanglan nga hulgaon sila Niya, ug dili sad Siya kinahanglan maghulga nato. Siya nangimbitar kanato sa pagkakita Kaniya us sa pagkakita kung kinsa Siya gayud ug Makita diha Kaniya ang makahibulunganong kinaiyahan ug makahibulunganong personalidad nga anaa Kaniya…para maaghat kitang makig-uban Kaniya, niining kinabuhia ug sa sunod nga kinabuhi. Gusto akong mahisama Kaniya inig hamtong nako. Tinuod gayud kana.

Sa dili madugay, si Hesus mubalik gayud sa Iyang pamanhunon nga nangandam. Ug, ang kabubut-on sa Amahan kanato dili lang mualagad sa pamanhunon kundili, kundili mamhimong pamnhunon gayud…dili muatiman ug balay, kundili mamahimong panimalay gayud. Kung imohang susihon sa Daang Kasulatan, Makita nimo ang Iyang tinguha nga gusto ug puloy-anan, dili lang mga linuwas nga mga tawo nga Iyang maangkon bilang bahandi. Ang Iyang tinguha mao ang puloy-anan, lugar nga Iyang kapoy-an dinhi sa kalibutan nga Iyang gihimo. Si Hesus misugilon kanato sa Lukas 17 nga Iyang Gingharian wala didto o dinhi, apan anaa sulod sa mga katawhan nga diin nagpakaylap sa ilang kasingkasing, giduot pagawas ang mga butang sa kalibutan, mga dautang tinguha, kailibgon ug ambisyon. Kinahanglan gayud kitang mga katawhan nga magahatag ug lugar para kang Hesus sa atong mga kasingkasing sama sa gitudlo ni Hesus sa Juan 8. Mao kini ang kinaiyahan sa usa ka Iglesia, Ang Iyang buhi nga Lawas ug Simbahan.

Si Hesus wala lamang mianhi alang sa pagpasaylo sa mga sala, maanindot man kaayo kana, o para usab maghunahuna kita sa Iyang mga pagtudlo. Si Hesus mianhi para ma-experyensyahan gayud kanato ang kinabuhi nga Iyang nasinati—dili lang sa pagkinabuhi nganhi, mamatay, ug unya muadto sa langit. Sama sa giingon sa Bibliya, Mianhi Siya aron kita magkinabuhi diha “sa gahom nga walay pagkalaglag nga kinabuhi” aron masinati nato ang samang paghimamatay ug kinabuhi ug gugma kauban sa Amahan ug Iyang mga kaigsuonan nga gihimi ni Hesus.

Ingon nga “luwas” HALAYO pa sa katapusan sa estorya. Sama sa pagkatawo ni Hesus, ang atong pagkatawo usab MAO RA ug Sinugdanan sa pinaka-gamhanang Estorya nga gustong isulti kanato sa Amahan [Col. 1:26-29, Gal. 4:19, Juan 7:38]. Ang Iyang tinguha nga mao si Kristo maporma sulod Kanto, ug kita [Iyang Katawhan, Iyang Pamanhunon, Iyang Panimalay, Iyang Simbahan] mamahimong mga pulong sa Iyang kinatibuk-ang Himaya ni Hesus nga taga Nasaretnon dinhi sa kalibutan niining adlawa. Ang tinguha sa Diyos dili lang diha sa tagsa-tagsa kanato nga mudan-ag si Hesus, kundili MAG-UBAN, kinatilingban, kita mamahimong insakto gayud nga representasyon ni Hesus.

Ug, ang pagpamuhat niining “dili matukib nga bahandi” may kalabutan sa tanan natong pagkinabuhi kauban sa uban adlaw-adlaw. Ang kadaghanang nahimo sa relihiyon ug kristyanismo sa daghang katuigang milabay mao lamang ang pagtudlo kanato sa ngilngig nga tinudluan mahitungod kang Hesus ug sa Iyang Simbahan. Karon ang panahon nga muoswag kita gikan sa pagkat-on sa pagtudlo mahitungod sa simbahan ngadto sa pagiging simbahan [Epeso 3:10, Mateo 16:18]

Mamahimo lamang kitang TAGA Iyang Kasimbahanan ug magkinabuhi sa Iyang Kinabuhi samtang kita maghinigugmaay sa usa’g usa ug magbinayloay sa atong mga kinabuhi adlaw-adlaw. Magtinabangay kita sa usa’g usa sa pag-ila pag-ayo kang Hesus pinaagi’g pagtinabangay sa usa’g usa nga mupahilayo sa sala, paghinigugmaay sausa’g usa pa gayud pag-ayo, ug ang pag-inatimanon sa usa’g usa ka panginahanglanon labaw sa pag-atiman sa atong mga kaugalingong pagpanginahanglan. Mao kini ang tinudluan ni Hesus. Mao kini ang Iyang pagkinabuhi uban kanato, ug karon Iya kitang gitawag sa susama nga kinabuhi diha sa usa’g usa. Ingon niini ang “pagpangandam” sa usa ka pamanhunon alang sa pagbalik sa Iyang Bana nga si Hesus. Kita magkanindot ug magkanindot pa gayud samtang magkat-on kita sa tinud-anay nga paghigugma sa usa’g usa. Samtang isalikway nato ang atong pagkaakoakohon ug garbo nga maoy nakapahimulag nato sa usa’g usa, ug sa atong kabubut-on ablihan ta ang atong mga kasing-kasing nga maarangan andam masakitanan sa usa’g usa, unya ang Espirito Santo sa Ginoo, ang Grasya sa Diyos ug ang Gugma sa Ginoo mupuno dinhi kanato…ug mamahimo kitang usa ka matahom nga pamanhunon nga ANDAM sa pagbalik sa atong Bana ngasi Hesus.

Mao kini ang Simbahan—nga magkinabuhi sa ingon niani matag-adlaw, dili muapil ug sinimbahon sa balay sa Ginoo, kundili MAMAHIMO gayong usa ka panimalay nga diin ang Diyos nagpuyo kaniya. Ug unya ang atong panimalay, atong trabahuan ug ang atong Simbahan mamahimong usa nalang. Wala nay babag dinhi sa akong kasing-kasing paingon dinha kanimo ug wala nay babag taliwala sa akong panimalay ug sa imong panimalay. Akong isalikway ang pagkaakoakohon, garbo, pagkatapulan ug pagkadili-matinuohon, ug mahigma na ako sa uban kay ako gihigugma man ni Hesus. Kung buhaton kini sa tanan, gikan sa gamay o manghod paingon sa mga dagko o maguwang, ibubo ni Hesus ang Iyang lana nga makaayo, ug kita ang Simbahan, ang maanyag nga Pamanhunon. Si Hesus wala mianhi para mamahimo kitang andakan o ambungan. Mianhi Siya para muhatag ug Kinabuhi nga madagayaon—para masinati nato ang Iyang Kinabuhi adlaw-adlaw diha sa atong isig-kaigsoon, dili lang sa hinuwaman nga mga pulong ug alawiton ug pag-ampo ug relihiyosong pulong. KINABUHI!

Ang Patukuranan Sumala sa Iyang Sundanan ug Desinyo

Kauban sa Adlw’ng Adlaw’ng Kinabuhi

Karon nga ato ng natunhaw ug unsa ang maayong mga materyales alang sa pagtukod sa balay sa Ginoo…huna hunaa kini: Ibutang talang tapukon nato ang tanang maayo nga mga bato, maayo nga kahoy, ang tanan nga maayo gayud nga mga materyales alang sa pagtukod nga si Ginoong Hesus mismo ang nagpili alang sa Iyang balay puloy-anan, ug ato kinig ipatong-patong, kahibalo kaba ug unsay mahitabo? Wala gehapon taty balay. Ang panimalay sa Ginoo nagkinahanglan ug labaw pa sa mga maayo nga mga materyales [tinuod nga mga Kristohanon],. Wala nagpasabot nga tungod kay aduna ka nay mga maayo nga mga materyales alang sa pagtukad aduna kanay panimalay nga kapahulayan. Kining mga butanga dili gihapaon makahatag ug proteksyon sa dihang ang bagyo muabot, maski unsa pa ka maayo sa mga materyales.

Para mamahimo kitang maanindot nga balay nga puloy-anan ni Hesus, ang panimalay sa DIos kinahanglan nga matukod gamit ang Iyang sundanan ug desinyo. Ang Iyang panimalay genamo sa mga tawo, Iyang buhing mga bato, ug Iya kitang gitagaan ug pamaagi ug unsaon pagtukod kauban sa usa ug usa. Ang Pulong sa Dios nahingalan ni Hesus nga Maayong Arkitikto. Kinahanglan nga maghatag kita’g lawom pagtagad sa Iyang sundanan ug plano.

Ang Dios adunay daghang maanindot nga mga katawhan sa tibuok kalibutan. Ang kasagarang nahitabo sulod sa 2,000 ka mga katuigan mao nga kining mga tawhana nagtinguha nga mausab ang ilang kinabuhi ug gustong mahimut-anon sa Ginoo, apan nangapakyas. Wala nila nakab-ot ang kinatibuk-ang potensyal alang sa pag-alagad Kaniya sa tinuod. Aduna sila’y tinguha apan sige lang ug kapakyas. Ang rason nga sila nangapakyas tungod kay sayop ang patukuran. Wala kini natukod sumala sa Iyang sundanan, ang desinyo, nga gihatag sa Dios kanato. Sa dihang adunay buot muhimo niini apan sa sayop nga pamaagi, dili gayod sila makalampos, maski unsa pa ka sensiro sa ilang pagbuhat.

Ang panimalay ni Hesus matukod lamang sa Iyang desenyo, dili sa ato. Ug ang Iyang desinyo mao ang “usa ka gatos ka pinilo-pilo nga mga amahan, inahan, ug mga kaigsuonang lalaki ug babaye.” Ang Iyang desinyo mao nga kita “magsinugiray sa atong mga sala sa usa’g usa” ug mamaayo. Ang Iyang desinyo mao nga kita “magpinas-anay sa atong mga gebug-aton ug matuman ang balaod ni Kristo.” Ang Iyang desinyo nga kita “usa sa tanan, sama nga Siya usa sa Amahan.” Ang tinguha sa Ginoo nga dili kita magkabulag bulag nga mga bato matag Domingo, “muapil” sa usa ka seremonyas, apan ang Iyang tinguha mao ang usa ka pamilya nga natukod diha sa usa’g usa matag-adlaw, nakighalobili sa tanang matang sa kinabuhi matag-adlaw, nga usa ka pamilya.

Si Hesus nipili ug desinyo sa Iyang panimalay nga pareho rag dagway maski asa nga nasod, maski pag nagkalahi lahi ug mga sinultihan o kultura. Ang desinyo mao nga ang tanan nga katawhan sa Dios magdumiliay sa ilang kaugalingon alng sa usa’g usa diha sa paghigugma ug pag-alagad sa usa’g usa matag-adlaw, bilang usa ka pamilya. Ang tinuod nga simbahan ni Hesus, ge-desinyo Niya nga makusganon, kinahanglan nga usa ka Pamilya kada-adlaw. Nakigkaon nga kauban sila sa ilahang mga panimalay, gealagaran nila ang usa’g usa ug nagtinabangay sila sa daghan nga pamaagi matag-adlaw. Sila mag-stoyahanay sa Pulong sa Dios matag-adlaw para mamahimo silang pareho’s ni Kristo. Kung may makit-ang sala, ila kinig storyaan. Dili sila maghulat ug “Domingo” para maminaw ug wali mahitungod ug sala. Ang tinguha sa Ginoo [Eph. 3:10, 1 Pet. 2] mao nga kita mamahimong adlw-adlaw nga mga pari ug mga representatib sa Ginoo ug sa usa’g usa ug sa kalibutan “samtang kita mobarog, molingkod, ug mulakaw.”

Kitang tanan getawag ingon nga mga pari ni Hesus. Kitang tanan getawag para magdala sa Iyang mga pulong ug magtinabangay sa usa’g usa. Ang gepasabot mao nga kung ikaw makakita sa imong isigkatawo nga hakog ug suko, o nakita nimo siya nga nag-inom, o garboso nga maoy nakaguba sa kasing-kasing ni Hesus, nan ang tagsa-tagsa kanato kinahanglan nga mahimong responsable nga mutabang nga mausab siya. Kini pagabuhaton kada-adlaw. Way kalabutan ang Domingo niini. Ang tinuod nga simbahan si Hesus binuhat diha sa Buhing Bato, ang desinyo sa Iayng panimalay mao ang matag-adlaw nga Pamilya. Dili usa ka butang lamang nga “apilan,” kundili usa ka butang nga mao kita matag-adlaw.

Makita mo ba ang koneksyon? DIHA LANG SA ADLAW ADLAW’NG PAKIGPAG-RELASYON nga imong mahibaloan kun ang usa nahigugma gayud sa Kahayag ug sa Kamatuoran, ug mao kana siya ang anak sa Dios. Pipila lamang ka panagtigum sulod sa usa ka semana dili gyud mahibal-an sa uban kun siya nahigugma ba sa Kahayag, ug mahuyang lang gayud, o ba kaha nasuko sa Kahayag ug mao nga dili pa sila Luwas. Ang plano sa Dios mao ang panudlanan diri sa kalibutan. Ang plano sa Dios mao ang parianong mga magtotoo. Ang plano s Ginoo mao ang Iyang mga katawhan “mag-dinasigay sa usa’g-usa matag-adlaw.” Samtang ato kining ikinabuhi, ang usa mga benipisyo sa tanang kaanakan sa Dios mamahimong mohamtong. Laing resulta sa pagpakiglambigitay sa usa’g usa nga maoy intensyon sa Ginoo mao nga kun adunay wala mahigugma sa Kahayag, sila madayag nga nagtipakaarun-ingnon lamang diay. Kun sila dili magpatudlo, kun sila wala magtagad niining gehisgutan ni Hesus, kun sila magmasuk-anon ug arogante, nan sila madayag gayud nga sukwahi sa kinabuhing Kristohanon. Masuta na gayud nga wala nila mahatag ang ilang kinabuhi diha ni Hesus kay ang kamatauoran mao nga kun wala kay Balaang Espirito santo ug wala ka gayud mahigugma sa Kahayag [Jn. 3, 1 Jn 1,3].

Kun ingon niini ang atong pagkatukod—usbon nato ang atong pagkahakog o mga badlongon nga kinabuhi, ug sa tinuod magkat-on unsaon paghigugma sa usa’g usa nga mura ug pamilya kada adlaw, mamahimong responsable diha sa pag-alagad ug pagtinabangay sa matg-usa kauban ang Pulong sa Dios—nan mamahimo kining usa ka Panimalay nga puy-an ni Hesus sa paghigugma. Mamahimo kining Panimalay nga maarang kaanindot sa desinyo nga sayon puy-an ni Hesus ug kanato ug magpuyo kauban Kaniya.

Si Hesus miingon nga kun atong pagatumanon ang Iyang Pulong, kun moabot ang bagyo [ug maabot gayud], nan ang balay makabarog gayud. Kini makabarog tungod natukod man kini sa bato nga “tumanon ang Iyang Pulong,” dili lang huna hunaon kini o awiton. Kun ato lang kining awiton, ampoan ug storyahan apan dili nato tumanon ang Iyang Pulong diha sa usa’g usa, nan kun maabot ang bagyo, maski unsa kaanindot ang balay, kini tumpagon gayud ug manguba. Mao kini ang saad ni Hesus sa Mateo 7. Busa, klaruha gayud nga matukod kini sa Iyang Pamaagi ug buhaton gayud ang maong kamatuoran. Tumana kini, ug ang bagyo dili magtandog kanimo.

Sa samang pamaagi ang gamay nga langgam o rabbit manalipod sa mga bato sa dihang ang bagyo maabot, makapanalipod usab kita diha sa mga pako ni Hesus kun imo tukuron kini sa pamaagi nga diin ikaw getawag. Ang bagyo muoyog sa mga dagkong tanum ug mutarog sa mga bug-at nga butang. Kini moguba gayud kauban ang kidlat nga moigo niini. Apan kun tukuron mo kini sa pamaagi ni Hesus ug ikaw mudangop Kaniya kun maabot kini, ikaw pagagunitan sa mahugot pinaagi sa Iyang mga pako. Ang katalgman molabay ug ang adlaw mudan-ag. Ang mga langgam muawit pag-usab, ug ang kinabuhi mahimong mabag-ohon. Mamahimo kining usa gayud ka lig-on ug dili matandog nga Desinyo sa usa ka Panimalay. Kun ang bagyo moigo sa maong panimalay, kini dili makatnadog tungod kay maayo ang mga materyales nga gegamit, ug ang desinyo niini maayo. Aduna man gani madaot apan pwerti ra gayung gamaya, ug wala ra gayo’y mahitabo sa atong tanan. Sama nga ang atong Amahan muhatag sa mga perpektong sukod sa dihang Iyang gepatukod si Noah sa arka, si Hesus usab adunay plano ug desinyo sa Iyang Panimalay. Ug ang Iyang Plano, diha sa Bag-ong Kasabotan, dili usa ka balaang tawo nga naghatag ug mensahe nga nagbasi diha sa kong ‘pila ka tawo ang naminaw’ nga organisasyon nga mga tawo nga walay relasyon o koneksyon. Mao na karon ang, usa ka gatos nga mga ginikanan, igssong babaye ug igsoong lalaki’—diha sa lalom nga adlaw-adlaw nga pakiglambigit, ‘gekan sa ubos ngadto sa dako’ nga relasyon sa mahigugmaong Kahayag.

Mao kini ang maayong balita sa Gingharian ni Hesus. Siya miingon, “Ang akong Amahan adunay dakong kalipay sa Iyang Panimalay samtang getukad palang kini.” Ang Amahan adunay dakong tinguha nga tukuron kining Iyang Panimalay sumala sa Iyang pamaagi. Sa daghang mga nasod ug mga syudad, talagsaon nga ang panimalay matukod diha sa gusto ni Hesus. Kasagaran sa kada ‘simbahan’ sa kada nasod, adunay mga tawo nga magtigum maghimo ug mga ritual ug mga tradisyon ug human magbulag bulag ug mag-iyahay ug panginabuhi sumala sa ilang mga gusto. Tingali sila nagpakasala sa ilang gusto, o kaha musulay nga dili makasala. Apan kini dili usa ka panimalay kay dili man sila usa ka pamilya nga sa adlaw adlaw nag uban.

Sa diha lamang nga ang mga bato nagpilit, diha sa papilit nga pratical nga paghigugma ug abli sa mga pagbadlong, ug natukod kini sa desinyo sa Dios, nga mamahimo kining usa ka panimalay nga Iyang puloy-anan. Maski ikaw sa ka maanindot nga bato ug naninguha nga magkinabuhing balaan, ikaw usa ra gehapon ka bato. Kun ako ibutang sa yuta, dili gehapon kini mamhimong balay ni Hesus. Dili niya gusto ang tagsa-tagsa nga mga maanindot nga bato nga nagkatibulaag sa gawas. Kinahanglan buhaton nato, pugson gayud ang atong kaugamingon, nga mupilit diha sa usa’g usa kauban sa ubang mga bato, adlaw adlaw nga diha sa desinyo sa Ginoo sa panimalay…sa ‘dihang kita mubarog, molingkod, magdungan ug panlakaw. Maglinabhanay sa ilang mga sanina, ug magdungan ug adto sa merkado. Samatang mutarbaho, magbugha ug kahoy, mangandam ug pagkaon, buhaton ta kini nga magkauban para mamahimo kitang usa ka Panimalay kaysa magkinabuhi kitang nag-inusara o daghang pamilya. sa niining pagkinabuhia nga matag-adlaw nga kita mabugkos diha sa atong pagtoo, Paglaom, ug Gugma sa matag-usa. Kining mga pang-adlaw adlaw nga buluhaton, magkinabuhing usa ka Pamilya, mao king ang ‘bintana sa atong kalag’ nga nagbuhi kanato sa paglimpyo sa usag-usa kanato sa tubig sa Pulong, kaysa diha sa binuhat nga relihiyon sa ‘pag-apil’ sa relihiyosong seremonyas ug pag-awit ug sa tawong balaang mensahe. Si Hesus dili magtukod ug lain gawas sa Pamilya.

Si Hesus miingon nga kun ikaw mutuman sa akong kabubut-on, makadawat ika ug usa ka gatos nga amahan, inahan, igsoong lalaki ug babaye—dili usa ka gatos nga mga silingan, kundili usa ka gatos nga mga suod nga membro sa pamilya. Mao kini ang kabubut-on sa Ginoo. mao kin ang mga tudlo ni Hesu Kristo—nga Iyang tukuron and Iyang Panimalay diha sa maayong mga materyales. Ang dautan nga materyales dili kini pagadawaton, kun dili sila mag-usab kun makadungog sila sa pulong sa Dios.

Pagtukod Diha sa Kalig-on

Kaisog sa Pag-usab

Napulo ka tuig sa pagka-kristohanon, kasagarang mga tawo nga naa sa ledirato nga kusog mangontrolar, nagabasi sa kung pila ang niapil, nga klase nga relihiyon dili sila molig-on pa gayud, susama ra gehapon sa niaging usa ka tuig sa ilang pagka-kristohanon. Kini dili maayo. Kun ang atong usa ka tuig nga anak motubo hangtod muabot ug dyes anyos apan dili gehapon sila makabarog o maalamon nga labaw pa unta sa dihang usa pa sila tuig, nan usa ka masulob-anon kini. Kun ikaw adunay dyes anyos nga anak nga maluyahon gehapon ingon nga usa ka tuig anyos, ug dili pa gehapon kalaw, o ka-estorya nga mas maayo pa ang usa ka tuig nga anak—bilang usa ka amahan o inahan kini makapasakit gayud sa imong kasing-kasing, dili ba?

Unsa kaha ang bation sa Imong Amahan sa langit kun ang tanan Niyang katawhan nga mamahimo na untang malig-unon ug maalamon ug ‘puno sa Espieito Santo ug kaalam,’ ug ‘mga magtutudlo na unta karon’ ‘dili na mga bata,’ nagpamuhat sa bulohaton sa Ginoo…pero kadaghanan nato mao ra gehapon ang gekusganon susama sa usa ka tuig nga panuigon? Tinuod kini sa tibuok kalibutan, ug nasakitan ang kasing-kasing sa Dios. Dili ta makakanta o makawali pag sobra para lang mausab kini, tungod kay wala man nato natukod sa pamagi sa Dios and Iyang Panimalay.

Ang desinyo sa Ginoo sa Iyang Panimalay getukod para ang apgtubos sa mga sala ug kini mabuntog. Ang pamaagi sa Ginoo sa ‘pagsimba’ nagtugot ug mga relasyon nga mamaayo ug ang sala ug kaluyahon mapahawa. Mao kini ang kasing-kasing sa Dios sa Iyang mga katawhan sa tibuok kalibutan. Gusto ko kamong suginlan nga ang maayo nga tawo makaplag sa iyang potensyal karon. Atong matugutan ang mga gasa diha sa lawas ni Kristo nga matukod aron mamahimong puluy-anan sa Ginoo, nga puno sa himaya sa Dios. Adunay pamaagi ang Dios unsaon ta Niya pagtukod para makita nato nga ang gahom sa sala mabuntog sa tinuod nga pagkinabuhi ug dili na mga suloguon sa atong mga kahuyangon. Ang plano sa Ginoo mao nga matukod kita diha sa pakipag-relasyonay, dili nga kanunay rata nga naay problema. Ang Dios adunay maanindot nga pamaagi sa pagtukod sa Iyang Panimalay kauban sa mga maanyag nga mga tawo. Hangtod karun, ang mga relihiyon sa kalibutan nagtukod sa Panimalay sa Dios sa sayop nga pamaagi, uban sa mga tawong gusto mokontrolar, daw balaan kunuhay, ug ang ‘pag-apil’ sa maong mga tigum mao ang ilang panabot sa maong ‘simbahan.’ Wala gepadayag nato kun unsaon pagtukod, apan karun magkat-on ta sa pagtukod. Ang Dios nag-ingon nga ‘magbantay gayud kita unsaon sa pagtukod.’ Aduna gayoy mga kamatuoran sa imong Bibliya nga makausab sa imong kinabuhi ug usbon usab ang pamaagi sa pagsimba, para matuboy nato ang Hari nga si Hesus ug makita niya ang Iyang mga damgo nga matuman!

Ang Dios gustong matukod ang Iyang Panimalay para kita bug-os nga malig-on. Gusto Niyang tukuron ang Iyang Panimalay aron ang pultahan sa impyerno dili makatay-og. Gusto Niyang tukuron ang Iyang Panimalay para ang mga nangaguba nga relasyon mamaayo. Gusto Niyang tukuron ang Iyang Panimalay aron maarangan Siya nga muayo sa atong mga masakiton nga lawas, hunahuna, ug atong kalag. Gusto Niyang tukuron ang Iyang Panimalay aron kita mamalig-on ug maalamaon, ug ang Maayong Malita ni Hesus mapakaylap, ug makusganon hangtod sa hangtod.

Aduna ka bay kaisog sa pagpaminaw niining mga butanga? Imo bang tumanon ang Pulong sa Dios samtang naminaw ka niini? Usbon ba nimo ang imong kinabuhi maski unsa pa kadako ang gasto? Kun adunay kay kaisog nga mutuman niini ug murisgo, nan padayon ug basa.

7/5/2007